Pêşmergeyên xwebexş êrişî navenda asayîşa Kerkûkê kirin
Hat ragihandin ku pêşmergeyên xwebexş li rojhilatê Kerkûkê êrişî baregeheke leşkerê iraqê kir. Di êrişê de 9 leşker hatin kuştin.
Li gorî zanyariyên berdest ku dispêrên çavkaniyên leşkerî, pêşmergeyên xwebexş li rojhilatê Kerkûkê li hemberî navenda asayîş a artêşa Iraqê êrişeke bombeyî li dar xistin.
Pêşmergeyên xwebexş şevê din li hemberî navenda asayîş a artêşa Iraqê ku li rojhilatê Kerkûkê bicih bûne û bi navê ‘Şirtey Îlhap' têne naskirin bi bombeyên B7 êrişek pêk anîn. Li gorî çavkaniyên herêmî di êrişê de 9 leşkerên asayîşa artêşa Iraqê hatin kuştin û 53 leşker jî birîndar bûn.
Li gorî malpera Nêrînaazad, hejmara kuştî û birîndarên asayîşa taybet a Iraqê ji karmendên nexweşxaneyên herêmê hatine wergirtin û di êrişê de ti ziyana pêşmergeyên xwebexş çênebûye.
