Serokê Amerîkayê Joe Biden gihîşte Îsraîlê
Serokê Amerîkayê Joe Biden di çarçoveya serdaneke fermî de çû Îsraîlê.
Serokê Amerîkayê Joe Biden di çarçoveya serdaneke fermî de çû Îsraîlê.
Joe Biden di çarçoveya serdana xwe ya herêmî ya ji bo Îsraîl, Filistîn û Erebistana Siûdiyê de ku dê di navbera 13 û 16ê Tîrmehê were kirin, îro Çarşemê gihîşte Tel Avîv a paytexta Îsraîlê.
Joe Biden bi firokeya tîpa "Air Force 1" ya ku serokên Amerîkayê pê diçine welatan gihîşte Firokexaneya Ben Gurion a Tel Avîvê û li wir ji aliyê Serokomarê Îsraîlê Ishaq Herzog, Serokwezîr Yair Lapid û Serokwezîrê berê Naftali Bennett ve bi merasîmeke fermî hat pêşwazîkirin.
Ev yekem serdana Serokê Amerîkayê Joe Biden a bo Israîlê ye ji dema dest bi serokatiya Amerîkayê kiriye.
Joe Biden dê biçe Filistîn û Erebîstana Siûdî jî.
