Iraq dawî li dosyeya koçberên navxwe tîne

Wezîra Koç û Koçberan a Iraqê Îvan Fayeq dema bidawîanîna dosyeya awareyên navxwe ragihand û ji bo vê mebestê şeş meh hatiye diyarkirin, herwiha ji aliyên siyasî daxwaz kir, destwerdanê di vê dosyeyê de nekin.

Îvan Fayeq di daxuyaniyeke rojnamevanî de diyar kir, hevahengiyeke bihêz di navbera hikûmeta Iraqê û Herêma Kurdistanê de ji bo yekxistina kampan heye û tekezî li girîngiya pêkanîna rewş û jîngeheke guncaw ji bo vegerandina awareyan bo ser cih û warên wan kiriye.

Fayeq destnîşan kir, plana wan heye ku piştî vegerandina wan bo cihên wan ên resen, kar ji bo têkelkirina awareyan bi civakê, were kirin.

Li gor amaran, heta niha 37 hezar malbatên Iraqî li kampan di awareyî de dijîn, ku hejmara wan 750 hezar kes e.