Iraqê dema qedexeya li ser firokexaneyên Kurdistanê dirêj kir

Rêvebira firîngeha navdewletî ya Hewlêrê Telar Fayiq di pêwendiyeke telefonî de ji Kurdistan24ê re ragihand, ku rawestandina geştên navdewletî li firîngehên Herêma Kurdistanê, di berjewendiya Bexdayê de ye û tenê hêlên ezmanî Iraqî geştên navdewletî dikin.

Telar Fayiq eşkere kir, ku serokwezîrê Iraqê Heyder Ebadî, biryar di destê xwe de hiştiye û heger fişar ji civaka navdewletî nebe, dibe ku rewşa bi vî awayî berdewam bike.

Piştî encamdana referanduma serxwebûna Herêma Kurdistanê di 25ê Êylûna derbasbûyî de, hikûmet û perlemana Iraqê, hejmarek biryar li dijî Herêma Kurdistanê derxistin, yek ji wan biryaran jî, rawestandina geştên navdewletî bû li firîngehên Herêma Kurdistanê.