Li Amedê otomobîlek wergeriya: 4 kes birîndar bûn

Di duyemîn roja Cejna Qurbanê de bûyerên trafîkê berdewam in. Li ser rêya parêzgehên Amed û Rihayê otomobîlek ji rê derket û wergeriya.

Li ser agahdarkirinê tîmên tenduristiyê û cendermeyan çûne cihê bûyerê û 2 kesên ku di nav otomobîlê de asê mabûn hatine derxistin.

Li gor zanyariyan di encama qezayê de dayik, bav û 2 zarokê wan birîndar bûne û ji bo nexweşxaneyên cuda yên parêzgeha Amedê hatine veguhestin.

Derbarê rewşa kesên birîndar de ti zanyarî nehatine belavkirin.