Çapemeniya Silêmaniyê nepeniya serdana Bafil Talebanî bo Bexdayê aşkera kir

Duh 13.02.2023yê Hevserokê YNKê Bafil Talebanî hevdîtinek li gel Serokê Encûmena Bilind a Dadweriya Iraqê Fayeq Zêdan pêkanî û piştre di daxuyaniyekî de bangeşeya wê yekê kir ku xwedê girawî behsa hindek mijarên pêwendîdar bi Herêma Kurdistanê re kiriye, lê medyayekî Silêmaniyê jî sedemê pişt wê serdanê aşkera kir.

Malpera Drew Medya ya Silêmaniyê bi zimanê çavkaniyekî nêzîk li Lahur Cengî ve belav kiriye ku, ji ber dosya Lahur Cengî li Dadgeha Temyîz a Iraqê ye, Bafil Talebanî gef xwariye ku eger biryara dadgehê di berjewendiya Lahur Cengî de be, dê xwe li Bexdayê vekşîne.

Heman malper bi zimanê heman çavkaniyê diyar kiriye ku, Bafil Talebanî li Bexdayê givaşekî zêde pêkaniye û piraniya rêveberên aliyên şîe yên Iraqê dîtiye û gefa xwe vekêşandinê xwariye.’’