Encûmena Wezîran a Herêma Kurdistanê ji bo gotûbêjkirina çend mijaran dicive

Li gorî Fermangeha Medya û Zanyariyan a Hikûmeta Herêma Kurdistanê, di xala yekem a civînê de dê raporek derbarê erdheja dawî ya li Herêma Kurdistanê û tedbîrên ji bo xweparastin û alîkariya her du welatên cîran (Sûriye û Tirkiyê) bên pêşkêşkirin.

Xala duyem a civînê jî dê ji bo gotûbêjkirin û pesendkirina projeyasaya “cîbicîkirina yasaya li dijî şûştina pereyan û fînansekirina terora federalî” li Herêma Kurdistanê û “Rêbazên Desteya Bexşîna Baweriyê bi Perwerde û Bernameyên Xwendina Bilind” be.

Nêrîna Hikûmeta Herêma Kurdistanê ya derbarê projeyasaya Dadgeha Bilind a Federal de dê di xala sêyemîn û dawî ya civînê de were pêşkêşkirin.