Eşwaq Caf: Eger îradeyek rast hebe dê îsal hilbijartinên parlamentoya Kurdistanê bên kirin

Eşwaq Caf derbarê civîna îro ya PDK û YNKê de got: “Giring e îradeyek rasteqîn li cem partiyan hebe ji bo lidarxistina hilbijartinên bê yên parlamentoyê, ji ber wê jî pêwîst e em bizanin ka biraderên YNK çawa û kengî dixwazin ev hilbijartin bên kirin, ji ber ku helwesta me wek PDKê derbarê hilbijartinan de aşkere ye.”

Derbarê amadekariyên Komisyona Bilind a Hibijartinan de, Eşwaq Caf got: “Rast e komîsyonê gotiye, ji aliyê teknîkî ve ne pêkan e ku îsal hilbijartin bên kirin, lê bi nêrîna min eger îrade û lihevkirinek di navbera aliyên Kurdistanî de hebe, dikarin israr bikin ku îsal hilbijartin bên kirin.”

Eşwaq Caf di berdewamiya axaftina xwe de got: “Pêşxistina hilbijartinên parlamentoyê dê bandoreke neyînî li rewabûna proseya demokrasiyê li Herêma Kurdistanê bike.”

Derbarê hilbijartinên encûmenên parêzgehên Iraqê û yekrêziya Kurdan li navçeyên Kurdistanî de jî, Eşwaq Caf wiha dibêje: “Eger piraniya partiyên Kurdistanî bi yek lîsteyê beşdarî hilbijartinan bibin, dê bandoreke erênî li ser derûniya welatiyên Kurd li navçeyên Kurdistanî bike û derfetê dide ku deng û kursiyên Kurdan vala neçin, bi taybet li Kerkûkê ji berku di rewşeke taybet de ye.”