Rayd Arî Ekrem Elî diyar kir ku ew dixwaze xizmetê bide hêzên Pêşmerge.
Rayd Arî Ekrem Elî 7ê Hezîranê dîplomaya xwe stand û ji Zanîngeha Leşkerî ya Amerîkayê mezûn bû.
Rayd Arî Ekrem Elî li ser xwendina xwe ji ajansa Rûdawê re axivî û wiha got:
“Ez wekî fermandarê Pêşmerge yekem kes im ku li koleja Leşkerî ya Zanîngeha Amerîkayê dixwînim û dîplomayê dîstînim.
Mastera min li ser lêkolînên operasyonan bû. Ez dê xizmeta Pêşmergeyan bikim.
Ji bo xwendinê hat şandin
Piştî pêwendiyên dûr û dirêj ên salan ên Amerîka û Herêma Kurdistanê ev yekem pêşniyar bû û ez ji bo xwendinê hatim şandin.”
Rayd Arî Ekrem Elî sala 1987an li Kerkûkê ji dayik bûye û 2009an li bajarê Qelaçolanê lîsans qedandiye.
Wezareta Hêzên Pêşmergeyên Kurdistanê Rayd Arî Ekrem Elî Nîsanê sala 2023yan şand Amerîkayê.
Rayd Arî Ekrem Elî herwiha li Koleja Fermandarî û Serfermandariya Giştî ya Zanîngeha Artêşê ya Amerîkayê xwendiye.
Li gorî zanyariyên Rayd Arî Ekrem li zanîngehê 2 beşên masterê hene.
Yek li ser zanyariyên leşkerî ne û yek jî li ser lêkolînên operasyonan e û wî di beşa duyem de mastera xwe kiriye.
Koleja Fermandarî û Serfermandariya Giştî ya Zanîngeha Artêşê ya Amerîkayê li ser çend polan hatiye dabeşkirin, di her polekê de 15 Amerîkî û yek an du efserên biyanî hene.
