Hat diyarkirin ku Hikûmeta Federal a Iraqê beşek ji mûçeyên meha Gulanê yên karmendên Herêma Kurdistanê şandiye.
Cîgirê Serokwezîrê Herêma Kurdistanê Qubad Talabanî ku projeya Bextiyarî li Silêmaniyê vekir, ji rojnamevanan re daxuyanî da.
Talabanî di bersiva pirsên derbarê paşxistina mûçeyên meha Gulanê yên Pêşmerge û hêzên ewlehiyê yên Bexdayê de got, "Hinek mûçeyên meha Gulanê hatin."
Talabanî da zanîn ku bi Hikûmeta Federal a Iraqê re lihevkirinek çêbûye ku lîsteyên Pêşmerge û hêzên ewlehiyê bişînin Bexdayê, Talebanî diyar kir ku mafên ti personelên giştî nayên windakirin.
Talabanî got, "Beşek ji mûçeyê meha Gulanê hatiye û dê di demeke nêzîk de were dabeşkirin" û got, "Lihevkirinek ji bo şandina lîsteya navan ji bo Bexdayê hat kirin. Ger îro nebe sibê dê di navbera heyetan de hevdîtin pêk were. Ez difikirim ku biryarên erênî dê ji vir werin. “Tu kes mafên xwe winda nake.
Li ser pirsa "Gelo mûçeyên meha Nîsanê û Gulanê yên karmendan li Kurdistanê dê beriya cejnê bê dayîn?" Talabanî got, "Hinek mûçeyên meha Gulanê hatin. Bersiv da: “Piştî şandina parçeyên din dê her kes mûçeyên xwe werbigire.”
Talabanî amaje bi kirîza şandina petrola Herêma Kurdistanê bo bazarên cîhanê jî kir û got, "Şandek ji rêveberiya Herêma Kurdistanê dê biçe Bexdayê û pirsa petrolê gotûbêj bike. “Hêvîdarim ku encamên baş werin bidestxistin.
Cîgirê serokwezîr Qubat Talabanî tekez kir ku ew ji bo çareserkirina hemû pirsgirêkên siyasî û civakî bi taybet krîza aborî ya li herêmê dixebitin û got, "Karê me ne ji bo bajarekî ye. Got jî: “Ne tenê Hewlêr, Duhok û Silêmanî, hemû parêzgeh û navçeyên me pêdvîye pêşkeftin û geşepêdanê bikin.
