Hewlêr û Bexda li ser bûdce û şandina mafên darayî yên Herêma Kurdistanê lihev kirin

Şanda Hikûmeta Herêma Kurdistanê îro 27ê Tîrmeha 2023an di daxuyaniyekê de ragihand, “Şanda Hikûmeta Herêma Kurdistanê gehîşte Bexdayê û li gel şanda Hikûmeta Federal û derbarê cîbicîkirina yasaya bûdceyê de, bi armanca şandina mafên darayî yên Herêma Kurdistanê civiya. Di encama hevdîtinê de her du alî li ser cîbicîkirina wan xalên girêdayî Herêma Kurdistanê di yasaya bûdceyê de rêkeftin.”

Di daxuyaniyê de hat gotin, “Di vê çarçoveyê de yadaştnameyek hevbeş di navbera her du şandan de hat îmzekirin û Tê payîn ku yekser were fînansekirina Herêma Kurdistanê bê kirin.”

Berdevkê Hikûmeta Herêma Kurdistanê Pêşewa Hewramanî ragihand: “Hikûmeta Herêma Kurdistanê û Hikûmeta Iraqê li hev kirine ku di zûtirîn dem de mûçeyê fermanberên Hikûmeta Herêma Kurdistanê were dabeşkirin."

Li gor zanyariyên K24ê, şanda Hikûmeta Herêma Kurdistanê dê îro bi Wezîrê Darayî yê Iraqê Teyf Samî re bicive û li ser çawaniya cîbicîkirina bendên pişka Herêma Kurdistanê di yasaya bûdceyê de gotûbêj bike.