Li Daqûqê jî alaya Kurdistanê hat bilindkirin

Piştî Kerkûk û Xurmatû, li bajarokê Daqûqê yê Kerkûkê jî alaya Kurdistanê li ser dezgehên fermî hat bilindkirin.

Qaymeqamê Daqûqê Emîr Xuwakerem ji BasNewsê re got, îro bi beşdarbûna nûnerên partiyên siyasî û gelên Daqûqê, alaya Kurdistanê li ser avahiya qaymeqamiya Daqûqê hat bilindkirin.

Qaymeqamê Daqûqê her wiha got, me ji ber wê yekê alaya Kurdistanê li ser dezgehên fermî yên bajêr bilin kir çimkî beriya niha encumena parêzgeha Kerkûkê bi fermî biryar dabû alaya Kurdistanê li ser hemû dezgehên fermî were bilindkirin.

Bajarokê Daqûq, 30 km dûrî bajarê Kerkûkê û li ser rêya Kerkûk û Bexdayê ye. Li Daqûqê ji bilî kurdan, ereb û turkmen jî dijîn.