Mesrûr Barzanî pêşwazî li parêzerekî navdewletî yê qurbaniyên jenosîda gelê Kurdistanê dike

Parêzer Gavriel Maironi kurteyek li ser xebatên xwe yên nûnertiya bi hezaran qurbaniyên tawanên jenosîdê li Dadgeha Tawanan a Navdewletî pêşkêş kir, di nav de qurbaniyên Enfal, kîmyabarana Kurdistanê û komkujiya Êzdiyan ji aliyê terorîstên DAIŞê ve ku bi salan e li ser van dozan kar dike.

Serokwezîr Mesrûr Barzanî pesnê hewldanên parêzer Gavriel Maironi da û diyar kir ku gelê Kurdistanê rûbirûyî gelek tawanên qirkirinê bûne û pêwîst e civaka navdewletî wan tawanan weke jenosîd nas bike û divê qurbanî bi awayekî şayiste ji aliyê hikûmeta Îraqî û hemû kompanî û aliyên ku alîkariya wan tawanan kirine, bêne qerebûkirin.