Namzedê Partiya Demokrata Kurdistanê (PDK) li Kerkûkê Elî Nazim derbarê astengiyên li wan tên kirin de, ji K24ê re ragihand: “Em bêyî poster beşdar bibin, dîsa jî em ê li Kerkûkê bi ser bikevin, ji ber ku bernameya me, xizmetkirina xelkê Kerkûkê ye.”
Herwiha got: “Bernameya PDKê li Kerkûkê, derxistina hêzên çekdar ji bajêr û vegerandina rûmetê bo gel û saziyan e. Bernameya PDK'ê ew e ku şaristaniyê li bajêr vegerîne.”
Nazim diyar kir: “Weke namzetê PDK’ê, ti tişt nikare me asteng bike, ji ber ku em xelkê wî bajarî ne, gel me nas dike. Ew ê li bajêr li dijî namzedên PDK’ê tê kirin, binpêkirina hilbijartinan e, lê ew ê biser nakeve.”
Got jî: “Bidestxistina piraniya kursiyên bajêr, dê çarenivîsa Kerkûkê diyar bike. Em dikarin bi rêya van kursiyan, parêzgarê Kerkûkê destnîşan bikin û dê bandoreke temam li ser Kerkûkê bike.”
Roja 1/11/2023 li Kerkûk û 14 parêzgehên Iraqê bangeşeya hilbijartinên encûmenên parêzgehan dest pê kir û li Kerkûkê 10 hevpeymanî, 5 partiyên siyasî û 3 namzedên serbixwe beşdarî hilbijartinan dibin. 16 namzed jî dê wek endamên Encûmena Parêzgeha Kerkûkê bên hilbijartin.
Kampanya dê 45 rojan berdewam bike û 48 demjimêran berî proseya dengdana taybet dê bê rawestandin.
Biryare roja 18.12.2023ê hilbijartinên encûmenên parêzgehên Iraqê li Kerkûk û 14 parêzgehên din ên Iraqê bi beşdariya zêdetir ji 23 milyon dengderan birêve biçe.
