Parlemantoyê namzetên posta Serokê Herêmê aşkere kirin

Desteya Serokatiya Parlemantoya Kurdistanê îro di daxuyaniyekê de aşkere kir, her yek ji Nêçîrvan Idrîs Mistefa Barzanî, Omêd Ebdilselam Qadir, Mihemed Heme Salih Omer, Rêbwar Ezîz Mistefa û Hêwa Ebdulah Xidir ji bo posta Serokê Herêma Kurdistanê namzet in.

Parlemantoya Kurdistanê roja 8ê vê mehê pêşniyaza projeyasaya serastkirina Serokatiya Herêmê heta pesenkirina destûrê pesend kiribû.

Serokê Herêma Kurdistanê vê care di nava Parlemantoyê de tê hilbijartin. Li gor yasayê di dema dengdanê de, namzetên Posta Serokê Herêma Kurdistanê amade nabin.