Serok Barzanî pêşwazî li Wezîrê Berevaniyê yê Îtalyayê kir

Serok Mesûd Barzanî roja çarşemê 3ê Gulana 2023an li Selahedîn pêşwazî li Wezîrê Berevaniyê yê Îtalyayê Guido Crosetto kir.

Di hevdîtinê de şerê terorê û çaksaziyên di nav hêzên Pêşmerge de û hevahengiya navbera hêzên Hevpeymanan û hêzên Iraqê û hêzên Pêşmerge hatin gotûbêjkirin.

Herwiha di hevdîtinê de tekezî li ser pêşvebirina pêwendiyên navbera Herêma Kurdistanê û Îtalyayê hat kirin.