Serok Barzanî û Serokwezîrê Iraqê serdana navçeyên geştyariyê yên Soranê kirin

Li gor zanyariyan, îro 13ê Tîrmeha 2023an, Serok Barzanî pêşwazî li Serokwezîrê Iraqê kiriye ku ligel çend rayedarên kabîneya xwe serdana Herêma Kurdistanê kiriye û piştrejî serdana çend navçeyên geştyariyê yên li Îdareya Serbixwe ya Soranê kiriye.

Ji aliyê xwe ve, Rêveberê Geştûguzariya Soranê Barzan Mihemed ragihand, duh piştî nîvro Serok Barzanî bi Serokwezîrê Iraqê Mihemed Şiya Sûdanî û Cîgirê Serokwezîr û Wezîrê Derve yê Iraqê Fuad Husên serdana navçeyên geştyariyê yên Îdareya Serbixwe ya Soranê kir.

Derbarê armanca serdanê de, Barzan Mihemed ragihand, ev serdan serdaneke nefermî bû û bi armanca dîtina navçeyên geştyariyê û sirûşta ciwan a navçeyê hatine Herêma Kurdistanê û serdana devera Soranê kirine.

Ev di demekê de ye ku hejmareke mezin ji geştyarên naverast û başûrê Iraqê serdana Herêma Kurdistanê dikin û ji ber bilindbûna pileyên germahiyê li navçeyên cuda yên Iraqê, demên xwe yên bêhnvedanê li navçeyên daristan û geştyariyê yên hênik ên Herêma Kurdistanê derbas dikin.