Amerîka û Tirkiye li ser vekêşîna hêzên PKKê li bakûrê Helebê rêkeftin!

Endamê encûmena niştimanî ya kurd li Sûriyê (ENKS)ê Parêzer Mistefa Misto ji BasNewsê re ragehand: ‘’Piştî li hevtêgeheştinek di navbera Amerîka û Tirkiyê de pêkhat, Amerîkayê ferman bo HSDê derxist ku pêwîste ew navçeyên piraniya wan erebin (11 gund û bajarok li bakûrê Helebê) xwe bikşînin û ew navçeyane radestî lîwaya Mutesim a artêşa azad bê kirin. herwaha rûniştvanên koçber bûne vegerin ser gund û bajarokên xwe.’’

Heman demê de Artêşa şoreşger ku yek ji pêkhateyên HSDê ye beyanameyek derxist û redkir ku gotûbêjek li ser navçeyên bakûrê Helebê hatibe kirin û radestkirina wan deveran ji hêzeke Tirkiye piştevaniya wan dike re bê kirin.

Lê Misto amaje bi vê yekê jî kir: ‘’Proseya radestkirina gundên Ezaz a bakûrê Helebê, li gel opozîsyonê û radestkirina bajarok û gundan ji artêşa rejîma Sûriyê re li Rîf û Minbîcê diyar dike ku HSD bes hêzeke leşkerî ye û li benda fermana wan kesanin ku têniyê xwîna kurdanin, dûrin ji berjewendiyên gelê kurd li Sûriyê.’’