Şandeke payebilinda Encûmena Niştimaniya Kurdî li Sûriyê (ENKS) bi serokatiya Siûd Mele bo pêkanîna çend hevdîtinan serdana Rûsyayê kir.
Di şanda ENKSê de herwiha Berpirsê Ofîsa Pêwendiyên Derve yê ENKSê, Kamîran haco, Endamê Komîteya Pêwendiyên Derve yê ENKSê, Îbrahîm Biro û Nûnerê ENKSê di Desteya Bilind a Danûstandinkar a Opozisyonê de, Hewas Egîd jî cih digrin.
Şanda ENKSê îro Sêşemî gihîşte Moskowê û dest bi hevdîtinên xwe kir. Li gorî agahiyên ji Moskowê ve, Cîgirê Wezîrê Derve yê Rûsya, Mîxayîl Bogdanov û çend berpirsên din ên wezaretê, pêşwazî li şanda ENKSê kirin.
Di civîna protokolî de, ku ji rojnamevanan re vekirî bû, Serokê ENKSê, Siûd Mele da xuyakirin, ku ew bi wê hêviyê hatine Moskowê, ku Rûsya bi roleke ektîv rabe, daku di proseya amadekirina destûrekî nû ji Sûriyê re, mafê gelê Kurd li Sûriyê têde cihê xwe bigire.
Siûd Mele herwiha di civînê de ji rayedarên Rûsyayê re got, bi awayekî destûrî hebûn û mafê gelê Kurd di sûriyeya paşerojê de vparastî be.
Cîgirê Wezîrê Derve yê Rûsya, Mîxaîl Bogdanov jî di vê civînê de bi xêr hatina şanda ENKSê kir, û ragihand, ku Moskow nerînên ENKSê dişopînin û giringiyê dide wan nêrînan
Bogdanov da xuyakirinm têkiliya Rûsya bi tevahiya aliyan re li nav Sûriyê heye, ev yek jî dihêle ku Moskow bikaribe bi roleke giring rabe.
