Hikûmeta Sûriyê rê nade alîkariyên ji Silêmaniyê derbasî taxên Kurdan bibin

Endamê Maseya Krîzê û Hevserokê Daîreya Ragihandinê ya Rêveberiya Xweser a Bakur û Rojhilatê Sûriyeyê Ciwan Mele Îbrahîm ragihand ku hikûmeta Şamê ev 6 roj in derbasbûna alîkariyên mirovî yên ku ji bajarê Silêmaniyê ji bo ziyandîtiyên erdhejê yên taxên Şêx Meqsûd û Eşrefiye yên Helebê yên Kurdnişîn hatine şandin asteng dike.

Alîkariyên ku ji aliyê xelkê Silêmaniyê ve hatine komkirin ûşandin ji 25 barhilgiran pêk tên.

Rêveberiya Xweser roja Sêşemî 7ê Adarê ragihandbibû ku 25 barhilgir alîkariyên ku ji aliyê xelkê Silêmaniyê hatine komkirin wergirtine.

Medya nêzîkî Rêveberiya Xweser got, hikûmeta Sûriyê daxwaza sedî 75 ya wan alîkariyan dike û dibêje, eger sedî 75 ya alîkariyan bigihe wan wê rê bide sedî 25 ji wê alîkariyê bigihin Şêx Meqsûd, Eşrefiyê û Şehbayê.