Li Başûrê Kurdistanê leşkerekî din mir

Wezareta Parastinê ya Tirkiyeyê got ku birûskê li wî leşkerî daye û ew miriye.

Hat ragihandin ku navê wî leşkerî Ata Goçmen e û ew çawişê pispor bûye.

Wezaretê li ser nasnameya wî leşkerî ti agahiyên din nedan û got ku li herêma “Operasyona Pence-Kilîdê” miriye.

Wezareta Parastinê ya Tirkiyeyê du roj berê jî ragihandibû ku leşkerekî wan ji ber lêdana birûskê miriye.