Amed: Birazî, apê xwe kuşt
Li navçeya Erxeniyê ya Ameda Bakurê Kurdistanê ap û birazî bi çekan êrişî hev kir.
Di pevçûnê de birazî birîndar bû, apê wî jî hat kuştin.
Li gorî agahiyan, li taxa Kemertaşê ya Erxeniyê ji ber sedemeke nediyar di navbera Şeref T. û biraziyê wî Hasan T. de nîqaş derket.
Piştî ku nîqaş gur bû her duyan gule berdan hev.
Tîmên tenduristiyê Şeref T. rakir Nexweşxaneya Erxeniyê û Hasan T. jî veguhast Nexweşxaneya Perwerde û Lêkolînê ya Gazî Yaşargîlê.
Ap Şeref T. li nexweşxaneyê canê xwe ji dest da.
Li aliyê din, birîna biraziyê wî Hasan T. jî xedar e.
