Heşda Şeibî: Barzanî û partiya wî ber bi serxwebûnê ve diçin
Yek ji mezinên Heşda Şeibî û fermandeyê koma bi navê Esayib Ehl Elheq, dibêje, kurd li Iraqê bûnd du du alî, alîgirên Barzanî ber bi serxwebûnê ve diçin.
Serkirdeyekî Esayib Ehl Elheq bi navê Qeys Xezelî ji ajansa îranî ya Tesnîm re gotiye, kurdên Iraqê bûne du alî. Aliyek kurdên “nerm û liberal” in mîna YNK û Gorranê, aliyê din jî Serokê Herêma Kurdistanê Mesûd Barzanî û alîgirên wî ne.
Qeys Xezelî her wiha gotiye, ji ber ku Barzanî û alîgirên wî serxwebûna Kurdistanê dixwazin, têkiliyên wan bi şîeyan re baş nîne.
Li gorî mezinê Heşda Şeibî, Barzanî û partiya wî her piroje û pilana ku “ziyanê li Iraqê dide” qebûl dikin û ber bi serxwebûna Kurdistana Başûr ve gavan davêjin.
