Li Meletiyê erdhej çêbû
Li navçeya Melediya Kevin a parêzgeha Meletiyê ya Bakurê Kurdistanê bi hêza 4 pileyan erdhejek çêbû.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku îro li navçeya Melediya Kevin a Meletiyê erdhej çêbû.
Li gorî AFADê, erdhej demjimêr 15:10an çêbûye û hêza wê 4 pile bûye.
AFADê ragihand ku kûrahiya erdhejê 8.76 kîlometre bûye.
Li aliyê din, derbarê zererên erdhejê de heta niha ti zanyarî nehatine belavkirin.
