Şırnex- Bi hinceta PKKyê 7 kes hatin desteserkirin
Li parêzgeha Şirnexê ya Bakurê Kurdistanê, hefteya borî bi hinceta “endamtiya PKKyê” 7 kes hatin desteserkirin.
Parêzgariya Şirnexê ragihand, “Tîmên Rêveberiya Ewlehiya ya Şirnexê di navbera 11-17 Îlonê de li hemberî PKKyê operasyon kirin.”
Di “operasyonê” de bi hinceta “alîkarî û endamtiya PKKyê” 7 kes hatin desteserkirin.
Kesên hatin desteserkirin birin Rêveberiya Ewlehiyê ya Şirnexê.
Piştî karên wergirtina îfadeyan, 3 kes bi biryara dadgehê hatin girtin û lêpirsîna 4 kesan jî berdewam dike.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl û siyasetmedarên Kurd desteser dikin.
