Fermandarê YPGê: Emê bersiva Tirkiyê bidin
Fermandarê Giştî yê Yekîneyên Parastina Gel (YPG) Sîpan Hemo li ser êrîşên Efrînê ragihand ku ew dê bersiva her êrîşekê bidin.
Li gor nûçeya rojnameya Ozgurlukçu Demokrasiyê Fermandarê YPGê Sîpan Hemo derbarê planên êrîşkirina ser Efrînê da xuyakirin, dê ew êrîş bi ser nekevin û li ser destwerdaneke leşkerî ya Tirkiyê bo Efrînê got: "Em mafê xwe yê xweparastina meşrû bikar tînin. Em dê ti êrîşekê bê bersiv nehêlin."
Hemo diyar kir ku hêzên girêdayî Tirkiyê bi hinceta operasyona Mertala Firatê serjimariyê diguherînin û ew jî li hemberî grubên cîhadî yên ‘nêzîkî AKP' berxwedana xwe didomînin.
Sîpan Hemo rexne li Rûsyayê jî girt û got ku helwesta Rûsyayê ya li hemberî destwerdanan qels e û daxwaz ji Rûsyayê kir, helwesteke bihêz li hemerî êrîşan bistîne.
Hemo wiha got: "Em dê li gor rêkeftina me ya bi Rûsyayê re ku bi taybetî li herêma Şehbayê pêk hatiye, tevbigerin. Û divê her kes vê bizane ku em dê ti êrîşan bê bersiv nehêlin."
Nûvekirina herî dawî: 15:57:13
