Artêşa Tirkiyê li Colemêrgê operasyoneke leşkerî da destpêkirin

Wezareta Navxwe ya Tirkiyê 28ê Cotmeha 2022ê ragihand, li navçeya Geverê ya ser bi parêzgeha Colemêrgêve li dijî PKKê “Operasyona Payîz-Zivistan-5 a Eren Dorpêç” hatiye destpêkirin.

Wezareta Navxwe ragihandiye ku dê operasyon li navçeya Geverê, ji aliyê Fermandariyên Cendirme yên Colemêrgê ve bê birêvebirin û 688 cendirmeyên hêzên taybet, polîsên hêzên taybet, komando û cerdevan beşdar bibin ku ji 43 tîman pêk tê.

Doh 27ê Cotmehê jî li parêzgeha Dêrsim ya Bakurê Kurdistanê operasyoneke leşkerî ji aliyê Fermandariyên Cendirme yên Dêrsîm û Erzînganê ve bi hevbeşî hatibû destpêkirin û 548 cendirmeyên hêzên taybet, polîsên hêzên taybet, komando û cerdevan beşdar dibin.