Fuad Mehsûm ji Ebadî xwest: Rast binivîsin!

Serokomarê Iraqê Fuad Mehsûm di nivîsa xwe ya ku ji Ebadî re şandiye de, nebûna navê Herêma Kurdistanê ku wek "Herêm" û "Parêzgehên Herêmê" di projeyasaya budçeya 2018an de hatiye nivîsandin, bi bîr xist.

Mehsûn got ku divê navê Herêma Kurdistanê were sererastkirin û li gor madeya 141 a destûrê, divê navê "Herêma Kurdistanê" were bikaranîn.

Fuad Mehsûm destnîşan kir, li gor "madeya 4 birgeya duyem û madeya 10 birgeyên yekem û duyem", dibe sedema veqetandina parêzgehên Herêma Kurdistanê ji her sê desthilatên wê, ji aliyê îdarî û darayî ve, ku ev jî bi awayekî aşkere binpêkirina destûrê ye.

Herwiha Serokomarê Iraqê daxwaza sererastkirina budçeya 2018an kir û bal kişand ser ku divê binpêkirinên destûrê di projeyasayê de ji holê werin rakirin.