Hûşyar Zebarî: Dema referandûmê de tu paşxistin nine

Duh, Wezîrê Derve yê Amerîkayê Rex Tillerson ligel Serokê Herêma Kurdistanê Mesûd Barzanî pêwendiyeke telefonî kir, tê de Tillerson ji xwastibû dema referandûmê were paşxistin.

Endamê Polîtburoya PDKê Huşyar Zêbarî ji ajansa “Reuters” re derbarê wê pirsê de tekez kir, ti guhartin derbarê dema referandûma roja 25ê Îlonê de nehatiye kirin.

Li gor wê ajansê, ku nîgeraniya Amerîka ji birêvebirina referandûma Herêma Kurdistanê ew e, dibe ku proseya referandûmê, girîngiya jinavbirina DAIŞê piştguh bike.

Berê jî Herêma Kurdistanê dilniyayî daye Amerîka û hevpeymanan, ku hêza Pêşmerge di şerê li dijî DAIŞê berdewam dibe.