Di hevdîtinê de Şêwirmendê Bilind ê Serbazî yê Brîtanya yê Rojhilata Navîn û Bakûrê Efrîqa pêgirîbûna welatê xwe bi dostayetî û hevpeymaniya li gel Herêma Kurdistanê û palpiştî û hemahengiya li gel hêzên Pêşmergeyên Kurdistanê dûpat kir.
Herwiha spasiya rola Serok Barzanî ya di hewldana ji bo yekxistina yekîneyên Pêşmerge di bin sîwana Wezareta Pêşmerge ya Hikûmeta Herêma Kurdistanê de kir. Tekezî li wê yekê jî kir ku maf û îstîhqaqata Herêma Kurdistanê û Pêşmerge pêwîst e li çarçoveya menzûmeya berevaniya Iraqê de parastî be.
Her di vê hevdîtinê de Serok Barzanî pîrozbahiya destbikarbûna Hikûmeta nû ya Brîtanya kir û spasî welatê Brîtanya û hevpeymanan kir ku li şerê dijî DAIŞê de alîkarê hêzên Pêşmergeyên Kurdistanê bûne.
Di beşeke din a hevdîtinê de Serok Barzanî ji bilî balkişandina ser rola Pêşmerge di xebata gelê Kurdistanê de tekezî li wê yekê kir ku Pêşmerge bi bîr û baweriya xwe parêzvanê doza rewa ya gelê Kurdistanê û doz û bihayên miroviyan dike.
Derbarê reform û çaksaziyên hêzên Pêşmerge de Serok Barzanî ragihand ku palpiştiya tevahî çaksaziyên Wezareta Pêşmerge dike û bi pêwîst jî zanî ku hêzên Pêşmergeyên Kurdistanê yek bi yekîneya xwe hebe û di bin yek serkirdayetiyê de be ku Wezareta Pêşmerge ya Hikûmeta Herêma Kurdistanê ye.
