Serokwezîr Mesrûr Barzanî 20 milyar dînar ji bo rûbirûbûna hişkesaliyê li Hewlêrê terxan dike

Li gor daxuyaniya Parêzgariya Hewlêrê, Parêzgarê Hewlêrê Omêd Xoşnaw îro 25.06.2023an serpereştiya civînekê derbarê kêmbûna avê û hişkesaliyê li Hewlêrê kir û tê de diyar kir, Serokwezîr Mesrûr Barzanî razemendî da ku ji bo çareserkirina pirsgirêka kêmbûna avê ya parêzgeha Hewlêrê, 20 milyar dînar bê terxankirin.

Omêd Xoşnaw spasiya Encûmena Wezîran û Serokwezîr Mesrûr Barzanî kir ji bo pesendkirina wan projeyan, ku 20 milyar dînar ji bo sê mehan û hatine pesendkirin û bi rêya wê yekê ew ê rûbirûyê hişkesaliyê bibin û dê bîrên avê bikolin.

Omîd Xoşnaw amaje bi wê yekê jî kir, ku di civîna îro de ji bo cîbicîkirina projeyên berê bû û çend biryar hatin standin, weke kêmkirina rûtîn di nav rêveberî û ofîsan de ji bo ku ev proje di mehên Tîrmeh, Tebax û Îlonê de werin cîbicîkirin ku di nav wan projeyan de kolandin û nûjenkirina bîran jî hene.

Parêzgarê Hewlêrê got: “Plana me ji bo rûbirûbûna hişkesaliyê di werza Havînê de heye, me çend projeyên stratîjîk di dema borî de cîbicî kirine, ku hinek ji wan di warê cîbicîkirinê de ne.”