Yekem karwanê Heciyên Kurdistanê ber bi Erebistana Siûdî bi rê ket

Heciyên Hewlêr û Duhokê, vê sibê li deriyê Pirdê, heciyên Silêmanî û Helebce û Germiyanê jî diçin Kerkûkê û li wê derê digihîjin hev û ber bi başûrê Iraqê bi rê dikevin.

Li ser geştên asmanî yên heciyan, Rêveberiya Giştî ya Hec û Umreyê ji Wezareta Ewqafê re ragihandiye, roja 12ê Hezîrana 2023an, yekem karwanê heciyan bi rêya asmanî li Balafirgeha Navdewletî ya Hewlêr û Silêmaniyê ber bi Erebistana Siûdî geştê dikin.

Li ser vê mijarê Berdevkê Rêveberiya Giştî ya Hec û Umreyê ya Herêma Kurdistanê Karwan Stûnî ji K24ê re ragihand, îro hemû heciyên Herêma Kurdistanê yên ku dixwazin bi rêya bejahiyê ferza Hecê encam bidin, bi qonaxekê geştê dikin.