YPG û HSD 'Artêşa Bakurê Sûriyê' ya 100 hezar leşkeran ava dikin

Li gorî nûçeya Elhesedê, Fermandarê Giştî yê van hêzan diyar kiriye ku ev hêz dê profesyonel û bi tecrube bin û dê li dijî êrîşan federasyonê biparêze ku ne Sûriye û ne jî Tirkiye bikare bi hêsanî têkeve sînorên wê.

Kurd navê "Artêşa Bakurê Sûriyeyê" lê dikin û niha tê damezirandin ku peywira wê parastina herêmên Federasyona Bakurê Sûriyeyê ne ku Hesekê, Kobanî, Girê Spî, Minbic, Efrîn û herwiha Reqa û çoltera Derê Zorê di nava xwe de dihewîne.
Herwiha fermandarê giştî teqez kir ku Hevpeymana Navdewletî ya Dijî DAIŞê ya ku Washington pêşengiya wê dike, piştgiriya teknîkî û perwerdehiyê dide wan û xebata wan li gel hevpeymanê berdewam e.

Li gorî nûçeyê, efserên vê artêşê li akademiyeke leşkerî li bajarê Amûdê tên perwerdekirin lê kampên perwerdekirinê li Cezîr, Kobanî, Efrîn, Minbic û Tebqayê jî hene.

Ji aliyê din ve, çavkaniyên kurd diyar dikin ku ev hêz dê ji yekîneyên bakurê Sûriyeyê yên Hêzên Sûriyeya Demokratîk, Yekîneyên Parastina Gel û Hêzên Parastina Gewherî û Hêzên Erka Xweparastinê pêk were ku kurd, ereb, suryanî û çerkez dê tê de cih bigirin û armanc ew e ku hejmara wan bigihîje hêzeke 100 hezar leşkeran.