Kongressman Don Bacon: Em hemû hewlên xwe ji bo parastina asayîş û aramiya Herêma Kurdistanê didin

Di hevdîtinê de, Serokwezîr Mesrûr Barzanî pêzanînên xwe yên ji bo xebat û karên Koma Piştgiriya Kurd di kongressê de nîşan da. Herwiha amaje bi girîngiya dabînkirin û rêzgirtina li mafên destûrî û qewareya Herêma Kurdistanê kir.

Ji aliyê xwe ve, kongressman Don Bacon tekez kir, ew ê hertim dengê Kurdistanê li Amerîkayê be û dê hemû hewlên xwe ji bo parastina asayîş û aramiya Herêma Kurdistanê bidin.

Serokwezîr Mesrûr Barzanî roja 24.02.2024an li ser vexwendineke fermî gihîşt Washingtonê. Serokwezîr Mesrûr Barzanî bi berpirsên payebilind ên Koşka Spî, Wezareta Derve û Kongressê re dicive û mijarên sereke yên civînan jî, zêdetir pêşxistina peywendiyên di navbera Herêma Kurdistanê û Amerîkayê de, dawîn guhertin û pêşhatên rewşa giştî ya Iraq û navçeyê ne.