Îranê bi moşekan êriş kir
Li gorî daxuyaniya Supaya Pasdarên Îranê ji bo bersiva êrişên dawî yên Tehranê wan bi moşekên dûravêj baregeh û stargehên DAIŞê kirine hedef.
Supaya Pasdaran a Îranê di daxuyaniyekê de ragihand ku wan moşekên dûravêj baregeh û stargehên rêxistina terorîst a DAIŞê li bajarê Dêra Zorê yê Sûriyeyê kirine hedef. Li gorî daxuyaniya hêzên îranî ev êrişa bi moşek bersiva êrişa DAIŞê ya Tehranê li ser parlamento û gora Xumeynî ye.
Di daxuyaniyê de hat ragihandin ku moşek ji baregehên moşekî yên Supaya Pasdaran ên li Kirmaşan û Sine hatine pekandin.
Herwiha di 7ê Hezîranê de 2 komên çekdar li paytexta Tehran ê Îranê êrişî avahiya parlamentoya wî welatî û gora Xumêynî kirin ku di encamê de 17 kes hatibûn kuştin û 55 kes jî birîndar bibûn û rêxistina terorîst a DAIŞê berpirsatiya wan êrişan girtibû ser xwe.
Ev nûçe bi tevahî 1878 kes dît.
Nûvekirina herî dawî: 01:07:02
Nûvekirina herî dawî: 01:07:02
