Rêveberiya Giştî ya Keşnasiyê hişyariya baranê da
Rêveberiya Giştî ya Keşnasiya Tirkiyê piştî lehiya 15ê Adarê ya li parêzgehên Semsûr û Rihayê yên Bakurê Kurdistanê ku di encamê de 14 kesan canê xwe ji dest dan, ji bo piraniya parêzgehan hişyariya baranbarînê da.
Li gor Rêveberiya Giştî ya Keşnasiya Tirkiyê îro 16ê Adarê li piraniya parêzgehên Tirkiyê û Bakurê Kurdistanê dê baran bibare.
Her wiha li parêzgehên Mereş, Meletî, Xarpêt, Amed, Riha, Mêrdîn û Semsûrê yên Bakurê Kurdistanê jî baranek bihêz dibare.
Saziya navborî dibêje, li parêzgehên Mereş, Meletî, Xarpêt, Amed, Semsûr, Riha, Mêrdîn û Colemêrgê ligel barîna baranê dê bayeke zêde jî hebe.
Rêveberiya Keşnasiyê bo deverên çiyayî derbarê egera çêbûna aşûtê de hişyarî daye û ji xelkê wan navçeyan daxwaz kiriye ku tedbîrên xwe werbigirin.
Her wiha tê pêşbînîkirin ku di çar rojên pêş de heta 20ê Adarê li hemû parêzgehên Bakurê Kurdistanê baran û şilope bibare.
Ev nûçe bi tevahî 779 kes dît.
Nûvekirina herî dawî: 19:30:17
Nûvekirina herî dawî: 19:30:17
