Li Xûrmatû agirbest hat ragihandin
Hat ragihandin ku li navçeya Xûrmatû di navbera Pêşmerge û milîsên Heşdî Şabî de agirbest hatiye îlankirin.
Qaymiqamê navçeya Kerkûkê Şelal Ebdul ragihand: “Şeva derbasbûyî heta danê sibê bi telefon me danûstandin li gel hêza Bedir, çekdarên Esaîbî Ehlî Heq û hêza Şehîd Sedir kir. Di encamê de em gihiştine wê biryarê ku teqekirin were sekinandin.”
Ebdul da zanîn, ku niha rewşa navçeyê aram e û got: “Şeva derbasbûyî ji ber aloziyan cadeya sereke ya bajêr hatibû girtin lê niha hatin û çûn asayî bûye.”
Herwiha li Xurmatû çekdarên Heşda Şeibî teqe li hemwelatiyan kirin û bi zora çek xwestin kurdan ji malên wan derbixin.
Hikûmeta Herêma Kurdistanê û Fermandariya Giştî ya Hêzên Pêşmerge derbarê vê yekê de hişyarî dan û banga aramkirina rewşê kirin.
Her wiha hejmara şêniya navçeyê bi tevê gundên wê 220 hezar kes in, kurd U, ereb % û tirkmen jî 0ê şêniya navçeyê pêktînin.
