Li Kerkûkê bombe di nav destê zarokan de teqiya
Îşev li taxeke bajarê Kerkûkê teqînek çê bû û li gor zanyariyên destpêkê di teqînê de 4 zarok birîndar bûne.
Teqîn li Taxa Musela ya Kerkûkê çê bûye û li gor zanyariyên Tora Medyayî ya Rûdawê, zarokan teqemeniyek dîtine û dema ku bi wê teqemeniyê lîstine, teqîn çê bûye.
Berdevkê Polîsê Kerkûkê, Amir Şiwanî ragihand, “Îşev Yekşembê di demjimêr 23:00 de li Taxa Musela ya bajarê Kerkûkê çend zarokan destkarî di teqemeniyekê de kirine ku bi wan de teqiyaye û 4 ji zarokan birîndar bûne.”
Amir Şiwanî diyar kir, “birîna zarokan dijwar nîne û bo nexweşxaneya bajêr hatine veguhestin.”
