Demîrtaş: Em bi erêkirina hikûmetê çûne Qendîl û Îmraliyê
Dadgehkirina Hevserokê Berê yê HDPê Selahedîn Demîrtaş li Enqereyê berdewam kir. Demîrtaş got, bi piştevanî û derfetên hikûmeta Tirkiyê, bi berpirsên KCK re hevdîtin kirine, lê niha ji wê hevdîtinê tên dadgehkirin.
Dadgehkirina Demîrtaş li Enqereyê, di roja duyemîn de berdewam dike. Demîrtaş ji Zîndana Edîrneyê bi rêya vîdeokonferansê beşadarî dozê bû û da xuyakirin, salên 2010-2011ê gelek endamên wan ji hêla dozgerên Cemaeta Gulen ve hatin girtin û piştî 9 salan jî heman tomet niha li wî tên kirin.
Demîrtaş got, 8 car ew bi xwe, bi giştî 23 car şandên wan bi belemên hêzên ewlekariya Tirkiyê çûne Îmraliyê û bi Ebdula Ocalan re hevdîtin kirine. Demîrtaş got, gelek caran jî bi agahî, alîkarî û erêkirina hikûmetê çûne Qendîlê û Berpirsên KCKê re hevdîtin encam dane.
Da zanîn, lê niha jiber ku gotiye, bila bi PKK re hevdîtin were kirin û ji bo Ebdula Ocalan jî peyva "birêz" bikar aniye, bi bangeşeya rêxistina terorê tê tometbarkirin. Demîrtaş got, rola wan navbeynkarî bû û dewlet sitem li navbeynkaran kiriye û rûmeta xwe wenda kiriye.
Nûvekirina herî dawî: 03:52:54
