Iraq dixwaze Kerkûkê bike 4 parçeyan!
Di wê pilanê de nifûsa ereb û turkmenan bi qasî ya kurdan hatiye hesibandin!
Parlamenterekî Iraqê dibêje, bila Kerkûk di hilbijartinan de bibe çar parçeyan û bi ser gelên wî bajarî de were parvekirin.
Parlamenterê şîe û endamê hevpeymaniya Dewleta Qanûnê ya Nûrî Malikî, Casim Mihemed Ceifer ragihandiye ku ew dixwazin di hilbijartinan de Kerkûkê bikin 4 parçeyan.
Wî parlamenterê ereb her wiha gotiye, ereb û turkmen û mesîhiyên Kerkûkê bi wê yekê razî bûne tenê kurd li dijî wê ye.
Li gorî wê pilanê, para ereban 32%, para turkmenan 32% û para kurdan 32% e, ya mesîhiyan jî 4% e.
Ev pilan di demekî de eşkere dibe ku bajarê Kerkûkê bajarekî Kurdistanî ye û piraniya nifûsa bajêr jî kurd e lê di pilanê de kurd û ereb û turkmen bi qasî hev hatine nîşandan!
Ev nûçe bi tevahî 1569 kes dît.
Nûvekirina herî dawî: 07:50:12
Nûvekirina herî dawî: 07:50:12
