Kosret Resûl daxuyaniyek belav kir

Cîgirê Yekem yê Sekreterê Giştî yê Yekîtiya Niştimanî ya Kurdistanê (YNK) Kosret Resûl peyamek bi boneya bûyerên parêzgeha Silêmanî û Helebceyê belav kir û ragihand, Erkê hikûmeta Herêma Kurdistanê ye kar ji bo dabînkirina daxwazên rewa yên xelkê bike. Di heman demê de pêwîst e welatî jî parastina dam û dezgehên hikûmî û cihên keştiyarî bikin.

Kosret Resûl di peyaman xwe de dibêje: “Derbirîna nerazîbûnê û xwepêşandana mûçexwaran û xelkê ji bo bidestxistina maf û azadiyên pêwîst, mafekî sirûştî ye, lê gelekî pêwîst e ew cemawer xwe ji karên ajawiyê û destên têkder bidûr bixin.”

Herwiha dibêje: “Erkê hikûmeta Herêma Kurdistanê ye bi hevbeşî ligel dezgehên rewa yên Herêma Kurdistanê tedabîrên guncaw bê tundtûjî bigirine ber, ji bo aramkirina rewşê û kar ji bo dabînkirina daxwazên rewa yên xelkê bike. Di heman demê de pêwîst e welatî jî parastina dam û dezgehên hikûmî û cihên keştiyarî bikin.”

Di beşeke din de Kosret Resûl dibêje: “Îro Herêma Kurdistanê di qonaxeke dijwar re derbas dibe, neyarên gelê me ji bo dijayetiya ezmîna me, hemû nakokiyên xwe dane aliyekî û deng û hêzên xwe yekxistine. Pêwîst e hêzên siyasî yên Kurdistanî hemû pirsgirêkên xwe bidin aliyekî û bi giyanê hevqebûlkirin û lêborînê bi hev re danûstandinê bikin û kar ji bo yekrêziya niştimanî û yekxistina xebata siyasî ya niştimanî bikin.”