Li Amerîkayê di êrîşeke çekdarî de 3 kes mirin, 14 kes birîndar bûn
Li eyaleta Tennessee ya Amerîkayê li mekanekî keyf û şahiyê êrîşeke çekdarî pêkhat û herî kêm 3 kesan di wê êrîşê de jiyana xwe ji dest dan, 14 kesên din jî birîndar bûn.
Li bajarê Chattanooga ya ser bi eyaleta Tennessee ya Amerîkayê li pêş mekanekî keyf û şahiyê êrîşeke çekdarî pêkhat. Hat ragehandin piştî êrîşê gelek tîmên polîs û tîmên tenduristiyê geheştin cîhê bûyerê û li gor daxuyaniya rayedaran di wê êrîşê de 3 kesan jiyana xwe ji dest dane û 14 kes jî birîndar bûne.
Berpirsê polîsê Chattanooga Celeste Murphy ragehand, di bûyerê de 2 kesan bi guleyan jiyana xwe ji dest daye, lê kesek jî dema ku reviyaye wesayîtekî li wî daye û jiyana xwe ji dest daye.
Herwaha diyar kir, em nizanin êrîş ji ber çi pêkhatiye. Lê em naha dixwazin bûyer ji aliyê kî û ji bo çi hatiye pêkanîn em naha dixwazin wê destnîşan bikin. Herwaha em sersaxiyê ji bo malbatên kesên jiyana xwe ji dest dane dikin.
Ev nûçe bi tevahî 782 kes dît.
Nûvekirina herî dawî: 06:13:31
Nûvekirina herî dawî: 06:13:31
