Mesrûr Barzanî: Em tekeziyê li parastina mafên Kakeyiyan û hemû pêkhateyên din ên Kurdistanê dikin
Serokwezîrê Herêma Kurdistanê Mesrûr Barzanî bi boneya hatina Cejna Qewiltas ya Kakeyîyan, pîrozbahî li pêkhateya Kakeyî (Yarsanî) kir.
Serokwezîrê Herêma Kurdistanê Mesrûr Barzanî bi boneya hatina cejna Kakeyîyan di peyamekê de nivîsî, “Bi rêz û pêzanînê li rola diyar û girîng a Kakayiyan wekî pêkhateyeke resen a gelê Kurdistanê dinêrin.”
Deqa peyama Serokwezîr Mesrûr Barzanî:
Bi boneya hatina cejna Yaranê Qewiltas, Eez germtirîn pîrozbahiyên xwe pêşkêşî xwişk û birayên Kakeyî (Yarsaniyan) yên li Kurdistan, Iraq û cîhanê dikim. Hêvîdar im ew rojên cejnê di nav aramî û bextewariyê de derbas bikin.
Di vê boneyê de Bi rêz û pêzanînê li rola diyar û girîng a Kakeyiyan wekî pêkhateyeke resen a gelê Kurd dinêrin ku beşdariyeke wan aktîf di xebat û qurbanîdana gelê Kurd de heye û em tekeziyê li parastina mafên Kakeyiyan û hemû pêkhateyên din ên gelê Kurdistanê dikin.
Cejna Qewaltas pîroz be û her tim şad bin.
Serokwezîrê Herêma Kurdistanê
Mesrûr Barzanî
7/1/2023
Nûvekirina herî dawî: 19:16:33
