Nêçîrvan Barzanî û François Hollande metirsiyên DAIŞê guftpgo dikin

Di hevdîtinê de François Hollande behsa serdana xwe ya bo Herêma Kurdistanê di destpêka şerê DAIŞê de û çûna ligel Serok Barzanî bo bereyên şer kir û destxweşî li Hikûmeta Herêma Kurdistanê û Pêşmerge kir ji bo hewandin û parastin hejmareke mezin a koçber û penaberan kir.

Herwih tekezî li girîngiya hevahengiya di navbera civaka navdewletî , Iraq û Herêma Kurdistanê kir bo dabînkirina xizmetguzariyên pêwîst ji navçeyên ziyanan dîtine re.

Ji aliyê xwe ve, Serokwezîrê Herêma Kurdistanê spasiya wê serdanê û dostayetiya wî û hevkariya berdewam a Fransayê bo Herêma Kurdistanê di demên dijwar de kir û rola Fransayê ji bo rakirina dorpêça siyasî û dîplomasî li ser Herêma Kurdistanê bilind nirxand.

Herwiha amaje bi pêwendiyên di navbera Hewlêr û Bexdayê û çareserkirina beşek ji pirsgirêkan kir û piştevaniya Herêma Kurdistanê ji hikûmeta Adil Ebdilmehdî û çareserkirina pirsgirêkan di riya guftûgoyan dupat kir.

Serokwezîrê Herêma Kurdistanê behsa wê yekê jî kir, ku metirsiyên serîhildana DAIŞê heye û di wê derbarê de niha hevahengiya di navbera artêşa Iraqê û Pêşmerge de heye, bi armanca dîtina mîkanîzmekê rûbirûbûna metirsiyan. Herwiha Hewlêr û Bexda di çend warên din de ji bo çareserkirina pirsgirêkan di guftûgoyan de ne.