Ciwanên Netewî yên Kurdistanê (CNK) têkildarî çalakiyên Jina Emînî yên li Rojhilatê Kurdistanê û hedefgirtina partiyên Rojhilatê Kurdistanê yên li Başûrê Kurdistanê ji aliyê hêzên rejîma Îranê ve daxuyaniyeke nivîskî weşand.
CNK\'ê jî ji ber binçavkirina wan ji ber ala Kurdistanê ya ku di maça Amedspor û Bursasporê de hat lîstin de ji aliyê endamên wê ve hatibû binçavkirin, spasiyên xwe anîn ziman.
Di daxuyaniya Ciwanên Netewiyên Kurdistanê (CNK) de ev tişt hatin gotin;
Bo Kurdistaniyên ezîz û kedkarên medyayê
Kurdistaniyên ezîz, bi minasebeta piştgiriya raperîn û şoreşa milletê me li Rojhilatê Kurdistanê û yadkirina 5 saliya referandûma serxwebûnê Herêma Kurdistanê me Ala Kurdistanê li maça Amedspor û Bursasporê vekir. Piştî êrîşên komên nijadperestên Tirkiyê û medyaya Trikiyê dozgeriya Tirkiyê derbarê me de biryara desteserkirinê derxistin.
Roja duşemê 26.09.2022an serê sibehê 5 hevalên me li Diyarbekirê hatine desteserkirin û piştî îfadeyên li emniyên û dozgeriyê hevalên me hemû hatin azadkirin.
Di wê demê de partî û rêxistinên siyasî yên Bakurê Kurdistanê, Baroya Diyarbekirê piştevaniya me kirin û ligel me bûn. Bi vê boneyê em spasiya hemû kesî dikin ku piştevaniya çalakiya me kirine û ligel me bûne.
Kurdistaniyên ezîz, piştî şehîdkirina Jîna Emînî bi destê hêzên serkutker ê Komara Îslamî ya Îranê li seranserî Îranê û Rojhilatê Kurdistanê raperînê li dijî rejima sîtemkar dest pê kir. Ew raperîna xelkê zêdetir 10 roj e berdewam dike. Di wan xwepêşandanan de li seranserî Rojhilatê Kurdistanê herî kêm 20 kes şehîd bûne û bi sedan kes jî birîndar bûne û hatine desteserkirin.
Komara Îslamî ya Îranê bi armanca ji bo şikandina îradeya gelê me li Rojhilatê Kurdistanê û baregehên Partiya Demokrata Kurdistana Îranê
