Diyarbekir: Her 5 kesên ji bilindkirina Alaya Kurdistanê hatibûn binçavkirin hatin berdan

Pêr di hefteya 6mîn a lîga 2 a futbola Tirkiyê de, tîma Amedspor li Diyarbekirê mêvandariya tîma Bursasporê kiribû, hin alîgirên Amedsporê bi bilindkirina Ala Kurdistanê û bi gotina "Bijî Kurdistan" piştgirî dan tîma xwe.

Ji aliyê Wezareta Navxwe ya Tirkiyê ve ji ber hin ciwanên alîgirên Ciwanên Netewî yên Kurdistanê (CNK) ku di lîstika Amedspor - Bursasporê de ala Kurdistanê bilind kirbûn, lêpirsîn hatibû destpêkirin.

6 ciwan jî duh danê sibê li Diyarbekirê bi hinceta “propagandaya rêxistinê kirine” hatin binçavkirin.

Peyamnêrê K24ê li Diyarbekirê da zanîn, ciwanên ku şeva xwe di girtîgehê de derbas kirin, bi mercê qedexeya derketina derve û kontrola edlî, îro derketin dadgehê û hatin berdan.