PAK'ê, duh êvarê liyîstoka fûtbolê ya ku bajarê Amed'ê di navbeyna tîma Amedspor û tîma bajarê Bursa'yê de hatiye leyîstin çend alîgirên Kurd Alaya Kurdistan bilindkiribûn û jiber wî sedemê îro hatin binçavkirin, bi daxûyanîyekî bertek nîşanda.
Daxûyanîyê de ev gotin têne rêzkirin:
Beşeke ciwanên Kurd roja 25.09.2022yê, li Amedê, di lîstika fûtbolê ya Amedspor û Bûrsasporê da Alaya Kurdistanê hildan û drûşma ‘’Bijî Kurdistan’’ bilind kirin.
Ji van ciwanên Kurd 5ên wan ji alîyê polîsên Dewleta Tirk ve hatine dest ser kirin.
Alaya Kurdistanê Alaya gelê Kurdistanê ye û nuha li Herêma Federe ya Başûrê Kurdistanê wek Alaya Fermî hatîye qebûl kirin.Alaya Kurdistanê ji alîyê Dewleta Iraqê û hemû dewletên cîhanê ve jî hatîye qebûl kirin.Kurdistan jî navê welatê gelê Kurdistanê ye.
Serokomar û wezîrên Dewleta Tirk jî gelek caran di hevdîtinên li gel Rayedarên Herêma Kurdistanê li gel Alaya Kurdistanê wêne kişandine.
Alaya Kurdistanê jî, dirûşma ‘’Bijî Kurdistan’’ jî 2 nirx û navên meşrû ne, serbilindîya hemû Kurd û Kurdistanîyên cîhanê ne.
Bi tu awayî nayê qebûl kirin ku ciwanên Kurd ji ber hildana Alaya Kurdistanê û ji ber bilind kirina dirûşma ‘’Bijî Kurdistan’’ bêne desteser kirin.
Ciwanên Kurd divê demildest bêne berdan.
