Seroke PAKê Mustafa Özçelik Li Batmanê civînek li dar xist

Serokê Teşkîlata Batmanê ya PAKê Aziz Özdemir û rêveber û endamên PAKê pêşewazîya heyeta PAKê kirin.

Serokê PAKê Mustafa Özçelik li ser rewşa sîyasî ya her çar perçeyên Kurdistanê û Tirkîyeyê nirxand, bîr û bawerî û sîyaseta PAKê anî ziman, di derbarê xebatên PAKê de agahdarî da.

Li gel rewşa pandemîyê û germahîya havînê û li gel ku cihê civînê gelekî biçûk bû jî, gelek endamên PAKê , nûnerên ENKSyê û welatperwerên Kurd ên li Batmanê jî beşdarî civînê bûn.

Piştî axaftina Mustafa Özçelik, beşdarên civînê jî pirsên xwe kirin, fikir û pêşniyarîyên xwe pêşkêş kirin.

Civîn bi awayekî berhemdar bi dawî hat.

Buroya Çapemenî û Ragehandinê ya PAKê