Malpera fermî ya Hikûmeta Herêma Kurdistanê belav kir ku, îro Duşemê Serokwezîrê Herêma Kurdistanê Nêçîrvan Barzanî pêşwazî Nûnerê Taybet ê Serokê Amerîkayê di Hevpeymaniya Navdewletî ya li Dijî DAIŞê de Brett McGurk kir.
Di hevdîtinê de Balyozê Amerîkayê li Iraqê Doglas Siliman û Konsulê Giştî yê Amerîkayê li Herêma Kurdistanê Steven Fagen jî amade bûn, şanda mêhvan behsa proseya hilbijartinên serok û herdu cîgirên serokê Parlamentoya Iraqê, danûstandinên di navbera hêzên siyasî yên Iraqê kirin. Herwiha şandê behsa pêvajoya hilbijartinên Herêma Kurdistanê kir û piştgiriya xwe ji bo rola bi bandor a aliyên Kurdî li Bexdaye û beşdarbûna bihêz a proseya siyasî û hikûmraniya Iraqê anîn ziman.
Ji aliyê xwe ve Serokwezîr erêma Kurdistanê Nêçîrvan Barzanî amaje bi hewldanên hêzên siyasî yên Kurdistanê ji bo beşdarbûneke bihêz a proseya siyasî ya Iraqê û diyarkirina postên Bedayê û pêkanîna hikûmeta nû ya Iraqê kir, derbarê vê yekê aeşkere kir, ku danûnstandinên di navbera hêzên siyasî yên Kurdistanê, bi taybetî jî PDK û YNKê de, ji bo dirustkirina hevdengiyek li tevahî proseyên siyasî yên Bexdayê berdewam dikin,herwiha dûpat kir ku, proseya propagandaya hilbijartinên Parlamentoya Kurdistanê bi awayeke aram û rêkûpêk birêve diçe.
Di hevdîtinê de rewşa giştî ya avçeyê û çend babetên din ên girêdayî Iraqê û herêma Kurdistanê jî hatine gotûbêj kirin.
