Di civîna PDK û YNKê de biryara hevkariyê û lijneyeke hevbeş hat dayîn

Piştî civîna hevbeş a polîtburoyên Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li Serokatiya Herêma Kurdistanê ku îro 25ê Gulanê li hev civiyan, daxuyaniyeke hevbeş hat dayîn.

Da daxuyaniya hevbeş a civîna polîtburoyên PDK û YNKê hat ragihandin ku di civînê de bi awayekî eşkere pêwendiyên herdu aliyan, rewşa niha ya Iraq û Herêma Kurdistanê û zemîna hevkariya hevbeş û karê bi hev re, hatine gotûbêjkirin.

Di daxuyaniyê de wiha hat gotin: “Herdu aliyan biryar dan, ku ji bo vê mebestê, civînên hevbeş ên herdu polîtburoyên PDK û YNK weke prensîpa karê bi hev re, berdewam bibin. Herwiha lijneyeke hevbeş a polîtburoya herdu aliyan hebe ji bo gotûbêjkirina li ser proseya hilbijartinên bê yên Parlamentoya Kurdistanê.”

Herwiha di daxuyaniyê de hat eşkere kirin ku di civînê de tekezî li ser hevkarî û piştevaniya herdu aliyan ji bo Hikûmeta Herêma Kurdistanê û saziyan û berdewamiya ragirtina helmeta ragihandina li dijî hev hatiye kirin